اخترت اتعذب وانا بشوف دموعها

اخترت اتعذب وانا بشوف دموعها
اخترت نبعد واتمنيت رجوعها
اخترت اكون كبير
اخترت اكون قوي
اخترت اكون شجاع وعنيا يدعولها

فجاه بتلفت و بشوف حواليا دنيتي
في ثانيه ظهرت في قلبك محبتي
مكونتش في يوم اتخيل انك تحبيني
ولا كنت ممكن اعيش ايام زي دي

حكمت علينا دنيتنا بفرقه و عذاب مالو اخر
قالت كلمتها و بسكينه بارده في ليل مالو اخر
جلاد الدنيا قدر كئيب خنق حبنا بايديه
وساب دم قلوبنا يسيل من غير اول ولا اخر

كان حب ده ولا غلطه ولا دنيا بتتسلي بينا
انها تدينا فرحه ماتت من زمان في عنينا
العيون اللي نسيت تضحك ازاي رجعت للدنيا تتبسم
رجعت من تاني تبكي انهار دموع من اللي فينا

مش عارف اكون قاسي و اقول مش بفكر فيكي
ولااكون حنين و اقول ولا لحظه عيشتها غير ليكي
ولا اكون طبيعي واعيش دنيا مش عارف هتاخدني لفين
ولا انهي طريق همشيه...طفل من امه تاه و لقي امه في عنيكي

سلام يا قلب قابلته و عمري في يوم ما هنساه
ياقلب كان بيتقطع لو حلم اني قولت الاه
عوايدك يا دنيا طبع فيكي والطبع غلاب
يا دنيا منك بجد اه و مليون ااااااااااااااااااااااه

هسافر لمكان بعيد جبل يكون او يكون ادغال
اسال نفسي غلطتي ووراها هسال مليون سؤال
ليه يا دنيا عملتي كده فينا ليه
وليه يا دنيا مستكتره حلم جميل يتحكي عنه و ينقال

من تاني هفوق و هرجع لدنيتي وهتفضلي عندي اعز انسانه
خايف اكون جرحتها بكلمه او سلمتها لدنيا جبانه
بتضرب فينا و تجري تستخبي و تجهز لينا من تاني
سلام بجد يا ارق و اغلي انسانه

كلامي لو توب ينغزل كنت اكفي الدنيا اتواب
من كل لون و شكل علي المزاج يتجاب
بس يا خساره كلامي كله جرح و دم من العيون بيسيل
كلامي اخره اتمني رحمه من التواب

يا رب بحق الشهر الكريم
يارب يا جبار...يارب يا عظيم
يارب ياللي مالناش غيرك
يارب صبرني و صبرها علي فرقتنا
ده احنا بجد
مالناش غيرك

اسف